kuwaitnewsdaily.com

Kuwait Railway Project കുവൈത്ത് സിറ്റി: കുവൈത്ത് റെയിൽവേ കമ്പനിയുടെ സ്ഥാപന ഘട്ടത്തിനായുള്ള കൺസൾട്ടിങ് കരാറിനുള്ള ടെൻഡർ ഉള്‍പ്പെടുത്തി പബ്ലിക് അതോറിറ്റി ഫോർ റോഡ്‌സ് ആൻഡ് ട്രാൻസ്‌പോർട്ടേഷൻ (പാർട്ട്). ജിസിസി റെയിൽവേ പദ്ധതിയുടെ നിർവഹണ ഘട്ടങ്ങളുടെ ഭാഗമായുള്ള പദ്ധതിയുടെ നടത്തിപ്പിനും അറ്റകുറ്റപ്പണികൾക്കുമായി ഒരു കമ്പനി രൂപവത്കരിക്കും. ഈ കമ്പനി സ്ഥാപിക്കുന്നതിന് സ്വകാര്യമേഖലയുമായുള്ള പങ്കാളിത്തത്തിൻ്റെ രീതിയും തരവും പഠിക്കുമെന്ന് റിപ്പോർട്ട് വിശദീകരിച്ചു. പദ്ധതി സ്വകാര്യമേഖലയ്ക്ക് വലിയ നിക്ഷേപ അവസരങ്ങൾ വാഗ്ദാനം ചെയ്യുന്നു, ഒന്‍പത് വർഷത്തെ വികസന പദ്ധതിയുടെ രണ്ട് പ്രധാന ലക്ഷ്യങ്ങള്‍ ഇവയാണ്: 1. ചലനാത്മകമായ ഒരു സ്വകാര്യ മേഖല മെച്ചപ്പെടുത്തുകയും കുവൈത്തിനെ സ്വകാര്യ മേഖലയുടെ പങ്കാളിത്തം നയിക്കുന്ന ആകർഷകമായ നിക്ഷേപ കേന്ദ്രമാക്കി മാറ്റുകയും ചെയ്യുന്നു. 2. പൊതു സ്വകാര്യവത്കരണത്തെ പ്രോത്സാഹിപ്പിക്കുക, ഇത് പൊതു ധനകാര്യ പരിഷ്കരണങ്ങൾക്ക് സംഭാവന ചെയ്യും, വരുമാന സ്രോതസ്സുകൾ വൈവിധ്യവത്കരിക്കുക, സേവന നിലവാരം മെച്ചപ്പെടുത്തുക, സ്വകാര്യ മേഖലയിൽ തൊഴിലവസരങ്ങൾ നൽകുക, കാര്യക്ഷമതയും നവീകരണവും വർദ്ധിപ്പിക്കുക എന്നിവയാണ്.