kuwaitnewsdaily.com

Indians Died in Kuwait കുവൈത്ത് സിറ്റി: തണുപ്പകറ്റാന്‍ മുറിക്കകത്ത് തീ കൂട്ടിയശേഷം ഉറങ്ങിയ നാലുപേരില്‍ മൂന്ന് ഇന്ത്യക്കാര്‍ ശ്വാസംമുട്ടി മരിച്ചു. അബോധാവസ്ഥയിലായ മറ്റൊരു തമിഴ്നാട്ടുകാരന്‍ അപകടനില ഇതുവരെ തരണം ചെയ്തിട്ടില്ലെന്നാണ് റിപ്പോര്‍ട്ട്. കുവൈത്തിലെ വഫ്രയിലാണ് സംഭവം. തമിഴ്നാട് മംഗൽപേട്ട് സ്വദേശികളായ മുഹമ്മദ് യാസിൻ (31), മുഹമ്മദ് ജുനൈദ് (45) എന്നിവരും ഒരു രാജസ്ഥാൻ സ്വദേശിയുമാണ് മരിച്ചത്. മുറിക്കകത്ത് നിറഞ്ഞ കാർബൺ മോണോക്സൈഡ് ശ്വസിച്ചതാണ് മരണകാരണമെന്നാണ് പ്രാഥമിക നിഗമനം. ജഹവർഅലി മന്ദഗയിലെ സ്വദേശിയുടെ വീട്ടിലെ ജോലിക്കാരാണ് ഇവർ. വഫ്രയിൽ സ്പോൺസറുടെ തോട്ടത്തിൽ ടെന്‍റ് കെട്ടി തീ കാഞ്ഞശേഷം അവശേഷിച്ച കനൽ താമസസ്ഥലത്തേക്ക് തണുപ്പ് അകറ്റാനായി കൊണ്ടുവന്നതായിരുന്നു. തുടർന്ന്, വാതിലടച്ച് ഉറങ്ങാൻ കിടന്നതിന് പിന്നാലെ പുക മുറിയിലേക്ക് വ്യാപിക്കുകയായിരുന്നു. ഈ പുക ശ്വസിച്ചാണ് മരിച്ചത്. മൃതദേഹങ്ങൾ ആശുപത്രിയിലേക്കു മാറ്റിയിട്ടുണ്ട്.