kuwaitnewsdaily.com

Workshop Expats Entrepreneurs Kuwait തിരുവനന്തപുരം: പ്രവാസി സംരംഭകര്‍ക്കായി ലോഞ്ച് പാഡ് വര്‍ക്ക്‌ഷോപ്പിലേക്ക് അപേക്ഷ ക്ഷണിച്ചു. അഞ്ച് ദിവസത്തെ വര്‍ക്ക്‌ഷോപ്പിലേക്കാണ് അപേക്ഷ ക്ഷണിച്ചത്. മലപ്പുറം ജില്ലയിലെ പ്രവാസി സംരംഭകര്‍ക്കാണ് ഈ വര്‍ക്ഷോപ്പ്. നോർക്ക ബിസിനസ് ഫെസിലിറ്റേഷൻ സെന്‍ററിന്‍റെ (എന്‍ബിഎഫ്സി) നേതൃത്വത്തിലാണ് ഇത് സംഘടിപ്പിക്കുന്നത്. സംസ്ഥാനസര്‍ക്കാര്‍ സ്ഥാപനമായ കേരള ഇൻസ്റ്റിറ്റ്യൂട്ട് ഫോർ എന്‍റർപ്രണർഷിപ്പ് ഡെവലപ്പ്മെന്‍റിന്‍റെയും (കെഐഇഡി), മലപ്പുറം ജില്ലാ വ്യവസായ കേന്ദ്രത്തിന്‍റെയും സംയുക്താഭിമുഖ്യത്തിലാണ് പരിശീലനം നടത്തുക. 2025 ഫെബ്രുവരി 17 മുതൽ 21 വരെ മലപ്പുറം ജില്ല വ്യവസായകേന്ദ്രത്തിൽ വെച്ച് സംഘടിപ്പിക്കുന്ന പ്രോഗ്രാമില്‍ ആദ്യം രജിസ്റ്റർ ചെയ്യുന്ന 40 പേർക്കാണ് പ്രവേശനം ഉണ്ടാകുക. സംരംഭകത്വ പരിശീലനം ലഭിക്കാൻ ആഗ്രഹിക്കുന്ന മലപ്പുറം ജില്ലയിലെ പ്രവാസികൾ ഫെബ്രുവരി 5 ന് മുൻപായി എന്‍ബിഎഫ്സിയിൽ ഇമെയിൽ/ ഫോൺ മുഖാന്തിരം പേര് രജിസ്റ്റർ ചെയ്യേണ്ടതാണ്. കൂടുതൽ വിവരങ്ങൾക്കും രജിസ്ട്രേഷനും 0471-2770534/+91-8592958677 നമ്പറുകളിലോ [email protected] എന്ന ഇ-മെയില്‍ വിലാസത്തിലോ (പ്രവൃത്തി ദിനങ്ങളില്‍ ഓഫീസ് സമയത്ത്) ബന്ധപ്പെടേണ്ടതാണ്.
പുതിയതായി സംരംഭങ്ങൾ ആരംഭിക്കാൻ നടപടികൾ സ്വീകരിച്ചവര്‍ക്കും ഇതിനോടകം സംരംഭങ്ങള്‍ ആരംഭിച്ചവർക്കുമാണ് പങ്കെടുക്കാന്‍ അവസരം ലഭിക്കുക. പ്രവാസി സംരംഭങ്ങള്‍ പ്രോല്‍സാഹിപ്പിക്കുക എന്ന ലക്ഷ്യത്തോടെ തിരുവനന്തപുരം നോര്‍ക്ക സെന്ററില്‍ പ്രവര്‍ത്തിക്കുന്ന ഏകജാലകസംവിധാനമാണ് എന്‍ബിഎഫ്സി.