kuwaitnewsdaily.com

കുവൈത്ത് സിറ്റി: വാട്‌സ്ആപ്പ് വഴി ലോട്ടറി അടിച്ചെന്ന് കുവൈത്ത് പൗരനെ വിശ്വസിപ്പിച്ച് കബളിപ്പിച്ചതിന് രണ്ട് പേരെ കുറ്റവിമുക്തരാക്കുകയും മറ്റൊരാളെ തടവുശിക്ഷയ്ക്കും കോടതി വിധിച്ചു. സമ്മാനം നേടിയെന്ന് വിശ്വസിപ്പിച്ച് ഇരയെ കബളിപ്പിച്ച് പണം കൈമാറാൻ നിർബന്ധിച്ചെന്ന കുറ്റമാണ് പബ്ലിക് പ്രോസിക്യൂഷൻ പ്രതികൾക്കെതിരെ നേരത്തെ ചുമത്തിയിരുന്നത്. കബളിപ്പിക്കപ്പെട്ടയാള്‍ അറബ് രാജ്യത്തായിരുന്നപ്പോഴാണ് സംഭവം. പ്രതിയും മറ്റൊരു അജ്ഞാതനും ചേർന്ന് ഇായളെ കബളിപ്പിച്ചതാണ് സംഭവം. ഒരു ആഫ്രിക്കൻ രാജ്യത്തുനിന്ന് വാട്ട്‌സ്ആപ്പ് വഴി ഒരു കോൾ ലഭിക്കുകയും താൻ സമ്മാനം നേടിയതായും കുവൈത്തിലുള്ള മറ്റ് പ്രതികൾക്ക് പണം കൈമാറാൻ ആവശ്യപ്പെടുകയും ചെയ്തു. പണം തിരികെ ആവശ്യപ്പെട്ടപ്പോൾ മറ്റൊരു പ്രതി ഇയാളെ ബന്ധപ്പെടുകയും പണം തിരികെ നൽകുന്നതിനായി പ്രതിയെ തൻ്റെ വസതിയിലേക്ക് കൊണ്ടുപോകാൻ ആവശ്യപ്പെടുകയും ചെയ്തെങ്കിലും അയാൾ ഭയന്ന് പോയില്ല. പ്രതികളിലൊരാളെ ചോദ്യം ചെയ്തപ്പോൾ, ആരോപണങ്ങൾ നിഷേധിക്കുകയും മറ്റ് പ്രതികളുമായി തനിക്ക് ബന്ധമില്ലെന്ന് തറപ്പിച്ചുപറയുകയും ചെയ്തു. മറ്റ് പ്രതികളുടെ കോളിലൂടെയാണ് തുകയുടെ ഒരു ഭാഗം തനിക്ക് ലഭിച്ചതെന്ന് അദ്ദേഹം പറഞ്ഞു. തുടർന്ന് കുവൈത്തിലുള്ള പ്രതിയിൽ നിന്ന് പണം വാങ്ങി തനിക്ക് പരിചയമില്ലാത്ത സെനഗലിൽ താമസിക്കുന്ന ഒരാൾക്ക് കൈമാറാൻ ബന്ധുവായ ആഫ്രിക്കക്കാരനോട് അഭ്യർഥിച്ചു. തനിക്ക് ലഭിച്ച തുകയെക്കുറിച്ച് ചോദിച്ചപ്പോൾ, താൻ സേവനം നൽകിയതേയുള്ളൂവെന്നും ഇടപാടിൽനിന്ന് ഒരു പ്രയോജനവുമില്ലെന്നും അദ്ദേഹം ഉറപ്പിച്ച് പറഞ്ഞു. ഈ കേസില്‍ വഞ്ചന നടന്നിട്ടില്ലെന്ന് പ്രതികളിലൊരാളുടെ അഭിഭാഷകനായ ബഷർ അൽ-നാസർ വാദിച്ചു; ഇരയെ കബളിപ്പിച്ച് പണം കൈമാറാൻ തൻ്റെ ക്ലയൻ്റ് ഒരു നടപടിയൊന്നും ചെയ്തിട്ടില്ലെന്ന് ഊന്നിപ്പറഞ്ഞു. മറ്റ് പ്രതികൾ മറ്റൊരാളിൽ നിന്ന് പണം സ്വീകരിക്കാനും തുക അയാൾക്ക് കൈമാറാനും തൻ്റെ ക്ലയൻ്റിനോട് ആവശ്യപ്പെടുക മാത്രമാണ് ചെയ്തതെന്നും അദ്ദേഹം വാദിച്ചു.