വാഹനയാത്രക്കാരെ… ശ്രദ്ധിക്കുക; കുവൈത്തിലെ പ്രധാന ഹൈവേകളിൽ ഈ വാഹനം ഓടിക്കരുത്
ATV Vehicle കുവൈത്ത് സിറ്റി: രാജ്യത്തെ പ്രധാന ഹൈവേകളില്‍ എടിവി (ഓള്‍-ടെറൈന്‍-വാഹനം) വാഹനം ഓടിക്കരുതെന്ന് നിര്‍ദേശം. ജനറല്‍ ട്രാഫിക് ഡിപാര്‍ട്മെന്‍റാണ് വാഹനയാത്രക്കാര്‍ക്ക് നിര്‍ദേശം അറിയിച്ചത്. റൈഡര്‍മാര്‍ക്കും മറ്റ് വാഹനഉപയോക്താക്കള്‍ക്കും അപകടമുണ്ടാക്കുന്നതിനാലാണ് എടിവി വാഹനങ്ങള്‍ക്ക് ഇത്തരത്തില്‍ നിര്‍ദേശം അറിയിച്ചിരിക്കുന്നത്. ജനറൽ ട്രാഫിക് ഡിപ്പാർട്ട്‌മെൻ്റ് എക്‌സ് പ്ലാറ്റ്‌ഫോമിൽ പങ്കിട്ട ഒരു വീഡിയോയിൽ ഈ വാഹനങ്ങളിൽ പലതും പിടിച്ചെടുത്ത് ആഭ്യന്തര മന്ത്രാലയത്തിൻ്റെ ഗാരേജിലേക്ക് കൊണ്ടുപോകാന്‍ നിര്‍ദേശിച്ചു. ഇതുസംബന്ധിച്ച് ബ്‌നീദ് അൽ – ഗർ മേഖലയിൽ വ്യാപകമായ പ്രചാരണം നടത്തിയതായും 18 എടിവികൾ പിടിച്ചെടുത്തതായും വകുപ്പ് വ്യക്തമാക്കി. ലൈസൻസില്ലാതെ വാഹനമോടിച്ചതിന് പ്രായപൂർത്തിയാകാത്ത രണ്ട് പേരെ അറസ്റ്റ് ചെയ്യുകയും ജുവനൈൽ പ്രോസിക്യൂഷന് റഫർ ചെയ്യുകയും ചെയ്തു. 21 ഗതാഗത നിയമലംഘനങ്ങൾ പുറപ്പെടുവിച്ചതിനു പുറമേയാണിത്.
Comments (0)