Electrician Germany Job: ജര്‍മനിയിലേക്ക് പറക്കാം, ഈ വിഭാഗത്തില്‍ 20 ഒഴിവുകള്‍, നോര്‍ക്ക റൂട്ട്സ് വഴി അപേക്ഷിക്കാം
Electrician Germany Job തിരുവനന്തപുരം: ജര്‍മനിയിലേക്ക് പറക്കാന്‍ അവസരം. സംസ്ഥാന സര്‍ക്കാര്‍ സ്ഥാപനമായ നോര്‍ക്ക റൂട്ട്സ് വഴി ഇപ്പോള്‍ അപേക്ഷിക്കാം. 20 ഓളം ഒഴിവുകളിലേക്ക് ഇലക്ട്രീഷ്യന്മാര്‍ക്കാണ് അവസരം. ജർമൻ സര്‍ക്കാരിന്‍റെ ഹാൻഡ് ഇൻ ഹാൻഡ് ഫോർ ഇന്‍റർനാഷണൽ ടാലന്‍റ്സ് (എച്ച്ഐഎച്ച്) പ്രോഗ്രാമിന്‍റെ ഭാഗമായി ഇൻഡോ – ജർമൻ ചേംബർ ഓഫ് കൊമേഴ്‌സുമായി സഹകരിച്ചാണ് റിക്രൂട്ട്മെന്‍റ്. യോഗ്യത- ഇലക്ട്രിക്കൽ അല്ലെങ്കിൽ ഇലക്ട്രോണിക്സില്‍ അംഗീകൃത ഡിപ്ലോമ / ഐ.ടി.ഐ (ഐടിഐ)/ബി.ടെക്ക് വിദ്യാഭ്യസയോഗ്യതയും 2- 5 വര്‍ഷം വരെ പ്രവൃത്തിപരിചയവും ഇംഗ്ലീഷ് ഭാഷാ പരിജ്ഞാനവും ഉളളവര്‍ക്ക് അപേക്ഷിക്കാം. 10 വര്‍ഷത്തിലധികം പ്രവൃത്തിപരിചയമുളളവര്‍ അപേക്ഷിക്കേണ്ടതില്ല. അപേക്ഷിക്കുന്നവര്‍ ഇലക്ട്രിക്കൽ ആന്‍ഡ് കൺട്രോൾ എഞ്ചിനീയറിങ്, മെഷിന്‍ സേഫ്റ്റി മേഖലകളില്‍ തൊഴില്‍ നൈപുണ്യമുളളവരുമാകണം. ജര്‍മ്മന്‍ ഭാഷാ യോഗ്യതയുളളവര്‍ക്ക് (A1,A2,B1,B2) മുന്‍ഗണന ലഭിക്കുന്നതാണ്. അപേക്ഷകൾ അയയ്ക്കേണ്ട വിധം- വിശദമായ സിവിയും വിദ്യാഭ്യാസം, പ്രവൃത്തിപരിചയം, പാസ്പോര്‍ട്ട്, ഭാഷായോഗ്യത പരിക്ഷയുടെ ഫലം എന്നിവയുടെ പകര്‍പ്പുകള്‍ സഹിതം www.norkaroots.org www.nifl.norkaroots.org എന്നീ വെബ്ബ്സൈറ്റുകൾ സന്ദര്‍ശിച്ച് അപേക്ഷ സമര്‍പ്പിക്കുക. ഫെബ്രുവരി 24 ആണ് അപേക്ഷ സമര്‍പ്പിക്കേണ്ട അവസാനതീയതി. കൂടുതല്‍ വിവരങ്ങള്‍ക്ക് നോര്‍ക്ക റൂട്ട്സ് റിക്രൂട്ട്മെന്‍റ് വിഭാഗത്തിന്‍റെ 0471-2770536, 539, 540, 577 എന്നീ നമ്പറുകളിലോ (ഓഫീസ് സമയത്ത്, പ്രവൃത്തിദിനങ്ങളില്‍) 24 മണിക്കൂറും പ്രവര്‍ത്തിക്കുന്ന നോര്‍ക്ക ഗ്ലോബല്‍ കോണ്‍ടാക്ട് സെന്‍ററിന്‍റെ ടോള്‍ ഫ്രീ നമ്പറുകളായ 1800 425 3939 (ഇന്ത്യയില്‍ നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള്‍ സര്‍വ്വീസ്) ബന്ധപ്പെടാവുന്നതാണ്.
Comments (0)