kuwaitnewsdaily.com

Expat Attacked Domestic Worker in Kuwait കുവൈത്ത് സിറ്റി: ഗാര്‍ഹിക തൊഴിലാളിയെ തടഞ്ഞുവെച്ച് ഉപദ്രവിച്ച കേസില്‍ പ്രവാസിക്ക് ശിക്ഷ വിധിച്ചു. 30,000 കുവൈത്തി ദിനാർ നൽകണമെന്നുള്ള പ്രാഥമിക വിധി സിവിൽ കോടതി ശരിവച്ചു. കേസിൽ പ്രവാസിയെ മൂന്ന് വർഷം തടവിനും നാല് മാസവും കഠിന തടവിനും ക്രിമിനൽ വിധിച്ചിട്ടുണ്ടായിരുന്നു. ശിക്ഷ അനുഭവിച്ചതിന് ശേഷം രാജ്യത്തുനിന്ന് നാടുകടത്തുകയും ചെയ്യും. മുബാറക് അൽ കബീർ ഗവർണറേറ്റിലാണ് സംഭവം. ശാരീരിക ഉപദ്രവം, അന്യായമായി തടങ്കലിൽ വയ്ക്കൽ, ഇരയെ പൊള്ളിച്ച് ശരീരത്തിന് പരിക്കേൽപ്പിക്കൽ തുടങ്ങിയ കുറ്റങ്ങൾക്ക് പ്രതിക്ക് പരമാവധി ശിക്ഷ നൽകണമെന്ന് അഭിഭാഷകനായ മുഹമ്മദ് അൽ അജ്മി വാദിച്ചു. ഗാര്‍ഹിക തൊഴിലാളിയുടെ ശാരീരികശേഷി 215 ശതമാനം സ്ഥിരമായ വൈകല്യത്തിന് കാരണമായി. നഷ്ടപരിഹാരം നിയമപരമായ ബ്ലഡ് മണിയായാണ് കോടതി കണക്കാക്കിയത്. പരാതിക്കാരിക്ക് വരുത്തിയ ഗുരുതരമായ ഭൗതികവും ധാർമികവുമായ നാശനഷ്ടങ്ങള്‍ അംഗീകരിച്ചാണ് കോടതി വിധി പുറപ്പെടുവിച്ചത്.