kuwaitnewsdaily.com

Fingerprint Fraud Scam Kuwait കുവൈത്ത് സിറ്റി: വിരലടയാള തട്ടിപ്പ് കേസിൽ കുവൈത്തിൽ നാല് സർക്കാർ ജീവനക്കാർ പിടിയിൽ. അഹമ്മദി ഗവർണറേറ്റിലെ സർക്കാർ സ്ഥാപനത്തിൽ ജോലി ചെയ്തിരുന്ന നാല് ജീവനക്കാരിൽ ഓരോരുത്തരും മാസത്തിൽ ഒരാഴ്‌ച മാത്രമാണ് ഹാജരായതെന്നും ബാക്കി ദിവസം വീട്ടിലായിരുന്നെന്നും പ്രാഥമിക അന്വേഷണത്തിൽ കണ്ടെത്തി. സ്കീമിൽ ഒരു ജീവനക്കാരൻ സിലിക്കൺ ഫിംഗർപ്രിൻ്റ് ഉപയോഗിച്ച് തങ്ങൾക്കും ഹാജരാകാത്ത സഹപ്രവർത്തകർക്കും വേണ്ടി വിരലടയാളം നല്‍കി. വഞ്ചനാപരമായ പ്രവർത്തനത്തെക്കുറിച്ച് ഡിറ്റക്ടീവുകൾക്ക് സൂചന ലഭിച്ചതായും വിവരങ്ങൾ പരിശോധിച്ച ശേഷം, പ്രതികളെ അറസ്റ്റ് ചെയ്യാൻ പബ്ലിക് പ്രോസിക്യൂഷനിൽ നിന്ന് വാറണ്ട് ലഭിച്ചതായും സുരക്ഷാ ഉറവിടം അറിയിച്ചു. മുപ്പതുകാരനായ ഒരാൾ തനിക്കും തൻ്റെ മൂന്ന് സഹപ്രവർത്തകർക്കും വേണ്ടി വിരലടയാളം രേഖപ്പെടുത്തുന്നതിനിടയിൽ കൈയോടെ പിടികൂടുകയായിരുന്നു. പരിശോധനയിൽ ഇയാളുടെ കൈവശമുണ്ടായിരുന്ന മറ്റ് ജീവനക്കാരുടെ സിലിക്കൺ വിരലടയാളവും കണ്ടെത്തി.