Railway Project Kuwait: റൂട്ടുകള്‍ക്ക് മാറ്റമില്ല; കുവൈത്തിലെ റെയിൽവേ പദ്ധതിയുടെ ഏകീകരണം പരിശോധിച്ച് മുനിസിപ്പൽ കൗൺസിൽ
Railway Project Kuwait കുവൈത്ത് സിറ്റി: രാജ്യത്തെ റെയില്‍വേ പദ്ധതിയുടെ ഏകീകരണം പരിശോധിച്ച് മുനിസിപ്പല്‍ കൗണ്‍സില്‍. ദേശീയ റെയില്‍വേ നെറ്റ് വര്‍ക്ക് പ്രോജക്ട് സംബന്ധിച്ച് അംഗം ആലിയ അല്‍ – ഫാര്‍സിയുടെ ചോദ്യത്തിന് എക്സിക്യൂട്ടീവ് ബോഡിയുടെ പ്രതികരണം തിങ്കളാഴ്ച ചേരുന്ന മുനിസിപ്പൽ കൗൺസിൽ സെഷനിൽ ചർച്ച ചെയ്യും. മുനിസിപ്പാലിറ്റിയുടെ അഭിപ്രായത്തിൽ, പൊതുമരാമത്ത് മന്ത്രാലയത്തെ പ്രതിനിധീകരിച്ച് പബ്ലിക് അതോറിറ്റി ഫോർ റോഡ്സ് ആൻഡ് ട്രാൻസ്പോർട്ടേഷൻ (പാർട്ട്) ആണ് പദ്ധതി തയ്യാറാക്കിയത്. റെയിൽവേ റൈറ്റ് ഓഫ് വേയെ മുഴുവൻ സംസ്ഥാനപദ്ധതിയിലും ഉൾപ്പെടുത്തുകയും വിവിധ ഭൂവിനിയോഗങ്ങളുമായുള്ള വൈരുദ്ധ്യത്തിൻ്റെ വ്യാപ്തി പഠിക്കുകയും ഇക്കാര്യത്തിൽ പാര്‍ട് സർവേ ഡിപ്പാർട്ട്‌മെൻ്റ് എന്നിവയുമായി ഏകോപനം സ്ഥിരീകരിക്കുകയും ചെയ്യുകയെന്നതാണ് പദ്ധതിയിലെ പങ്കെന്ന് സൂചിപ്പിച്ചു. സംയോജിത ഗതാഗതപ്രവർത്തനങ്ങൾ നിയന്ത്രിക്കുന്നതിന് ഒരു അതോറിറ്റി രൂപീകരിക്കാനുള്ള നിർദ്ദേശം നാലാമത്തെ മാസ്റ്റർ പ്ലാനിൻ്റെ റിപ്പോർട്ടിൽ ഉൾപ്പെടുത്തിയിട്ടുണ്ടെന്നും വിശദീകരിച്ചു. ടാക്‌സികൾ ഉൾപ്പെടെ രാജ്യത്ത് പ്രവർത്തിക്കുന്ന എല്ലാ യാത്രാ സേവനങ്ങളുടെയും മേലധികാരമുള്ള ഒരു പൊതുഗതാഗത അതോറിറ്റി സ്ഥാപിക്കണമെന്നും ശുപാർശയിൽ വ്യവസ്ഥ ചെയ്യുന്നു. റെയിൽവേ നെറ്റ്‌വർക്ക് പദ്ധതിയുടെ റൂട്ടുകൾ പൊതുമരാമത്ത് മന്ത്രാലയം നിർദ്ദേശിച്ചതിന് സമാനമാണെന്നും റെയിൽവേ സ്റ്റേഷനുകളുടെ സ്ഥാനങ്ങളിൽ മാറ്റം വരുത്തിയിട്ടില്ലെന്നും പുതിയ സ്റ്റേഷനൊന്നും സൃഷ്ടിച്ചിട്ടില്ലെന്നും മുനിസിപ്പാലിറ്റി കൂട്ടിച്ചേർത്തു.
Comments (0)