kuwaitnewsdaily.com

Kuwait revokes citizenship കുവൈത്ത് സിറ്റി: രാജ്യത്ത് 3,856 പേരുടെ പൗരത്വം റദ്ദാക്കി. സുരക്ഷ, ഇരട്ട പൗരത്വം, വ്യാജരേഖ ചമയ്ക്കൽ, രാജ്യത്തോടുള്ള അവിശ്വസ്തത എന്നീ കാരണങ്ങളാലാണ് പൗരത്വം റദ്ദാക്കിയത്. 11 ഇരട്ട പൗരത്വ കേസുകൾ, 82 വ്യാജരേഖകൾ, ദേശീയത നിയമത്തിലെ ആർട്ടിക്കിൾ 8 പ്രകാരം 3,725 കേസുകൾ, കുവൈത്തോടുള്ള വിശ്വസ്തത ലംഘിച്ചതുമായി ബന്ധപ്പെട്ട 38 കേസുകൾ എന്നിവ പൗരത്വം റദ്ദാക്കിയതില്‍ ഉള്‍പ്പെടുന്നു. കുവൈത്തിൻ്റെ ദേശീയ വ്യക്തിത്വം സംരക്ഷിക്കുന്നതിനുള്ള നിർദ്ദേശങ്ങൾക്കനുസൃതമായി പ്രവർത്തിക്കുന്ന സമിതി, രാജ്യത്തിൻ്റെ സുരക്ഷയ്ക്ക് ഭീഷണിയായ ക്രിമിനൽ നടപടികൾക്കെതിരെ നിയമം നടപ്പിലാക്കുകയാണെന്ന് അടുത്ത വൃത്തങ്ങൾ വെളിപ്പെടുത്തി.