Drug Smuggling Kuwait: മയക്കുമരുന്ന് കടത്ത് കേസ്; ഭരണകുടുംബാംഗം ഉള്‍പ്പെടെ മൂന്ന് കുവൈത്തി പൗരന്മാര്‍ അറസ്റ്റില്‍
Drug Smuggling Kuwait കുവൈത്ത് സിറ്റി: ഭരണകുടുംബത്തിലെ അംഗം ഉള്‍പ്പെടെ മൂന്ന് കുവൈത്തി പൗരന്മാര്‍ അറസ്റ്റില്‍. മയക്കുമരുന്ന് കടത്തുകേസിലാണ് ഇവര്‍ അറസ്റ്റിലായത്. മന്ത്രാലയത്തിലെ ഉദ്യോഗസ്ഥനും ആരോഗ്യമന്ത്രാലയത്തിലെ ഡോക്ടറുമാണ് പിടിയിലായ മറ്റുള്ളവർ. ഇവരിൽനിന്ന് അരകിലോയോളം മയക്കുമരുന്ന് കണ്ടെടുക്കുകയും ചെയ്തു. ഡിറ്റക്ടീവുകൾ പിടികൂടിയ ലഹരിക്ക് അടിമയായവരുടെ രഹസ്യമൊഴിയുടെ അടിസ്ഥാനത്തിലാണ് ഇവര്‍ പിടിയിലായത്. സൗത്ത് സൂറ മേഖലയിലെ ഒരു മയക്കുമരുന്ന് ഇടപാടുകാരൻ്റെ പ്രവർത്തനത്തെക്കുറിച്ചാണ് രഹസ്യാന്വേഷണവിഭാഗത്തിന് വിവരം ലഭിച്ചത്. ഇടപാടുകാരനെ ഡിറ്റക്ടീവുകൾ അറസ്റ്റ് ചെയ്തു. അയാളൊരു മധ്യസ്ഥനാണെന്ന് സമ്മതിച്ചെന്നും സുറയിൽ താമസിക്കുന്ന ആരോഗ്യമന്ത്രാലയത്തിലെ ഒരു ഡോക്ടറിൽനിന്ന് മയക്കുമരുന്ന് വാങ്ങുന്നെന്നും വെളിപ്പെടുത്തി. തുടർന്ന്, മൂന്ന് കുവൈത്തി പൗരന്മാരെയും അറസ്റ്റ് ചെയ്യുകയായിരുന്നു.
Comments (0)