Malayali Man Missing in Kuwait: പ്രത്യേക അറിയിപ്പ്; ഒരുമാസം മുന്‍പ് കുവൈത്തിലെത്തിയ മലയാളിയെ കാണ്മാനില്ല
Malayali Man Missing in Kuwait കുവൈത്ത് സിറ്റി: പ്രത്യേക അറിയിപ്പ്, ഒരുമാസം മുന്‍പ് കുവൈത്തിലെത്തിയ മലയാളിയെ കാണ്മാനില്ല. തിരുവനന്തപുരം അഞ്ചുതെങ്ങ് സ്വദേശി സുരേഷ് ദാസനെയാണ് കാണാതായത്. കഴിഞ്ഞ ഒന്നാം തീയതി മുതലാണ് ഇയാളെ കാണാതായത്. ജാബിർ ആശുപത്രിയിലെ ലിഫ്റ്റ് ടെക്‌നീഷ്യനായി ജോലി ചെയ്തുവരികയായിരുന്നു ഇയാള്‍. ‘ഫെബ്രുവരി ഒന്നാം തീയതി ജോലി കഴിഞ്ഞ് തിരികെ മെഹബൂലയിലെ താമസസ്ഥലത്തിന് തൊട്ടടുത്ത ജങ്ഷനിൽ ട്രാൻസ്‌പോർട്ടേഷൻ വാഹനത്തിൽനിന്ന് സുരേഷ് ഇറങ്ങി. പിന്നീട്, അച്ഛനെ കുറിച്ച് ഒരു വിവരവും ലഭ്യമായിട്ടില്ല. അച്ഛന്‍റെ ഫോണിൽ വിളിച്ചപ്പോൾ ഒരാൾ ഹിന്ദിയിൽ മറുപടി പറഞ്ഞ് ഫോൺ വച്ചു. പിന്നീട് ഫോണും നിർജീവമായി’, സുരേഷിന്‍റെ മകൻ ആകാശ് പറഞ്ഞു. സുരേഷ് ദാസിന്‍റെ കമ്പനി അധികൃതർ സമീപത്തെ പോലീസ് സ്റ്റേഷനുകളിൽ പരിശോധന നടത്തിയെങ്കിലും ഇതുവരെ കണ്ടെത്താനായില്ല. ഞായറാഴ്ച കമ്പനി അധികൃതർ സുരേഷിനെ കാണ്മാനില്ലെന്ന് ചൂണ്ടിക്കാട്ടി പരാതി നൽകുമെന്ന് ആകാശ് പറഞ്ഞു.
Comments (0)