kuwaitnewsdaily.com

Malayali Death Kuwait Accident കുവൈത്ത് സിറ്റി: വാഹനാപകടത്തില്‍ മരിച്ച മലയാളിയുടെ മൃതദേഹവുമായി ഇന്ന് കുവൈത്തില്‍നിന്ന് തിരിക്കും. തിരുവനന്തപുരം കോട്ടുകാൽ പുന്നകുളം സ്വദേശി നിതിൻ രാജിന്‍റെ മൃതദേഹം നാളെ രാത്രി 10.20 നുള്ള കുവൈത്ത് എയർവേയ്സിൽ തിരുവനന്തപുരത്തേക്ക് കൊണ്ടുപോകും. കുവൈത്തിലെ വഫ്രയില്‍ വെച്ച് ജനുവരി 18 (ശനി) നാണ് അപകടം ഉണ്ടായത്. കോവളം എംഎൽഎ എം വിൻസെന്‍റിന്‍റെ പ്രത്യേക നിർദേശപ്രകാരം ഒഐസിസി കെയർ ടീമാണ് നടപടികൾ പൂർത്തീകരിച്ചത്. 22 ന് രാവിലെ ആറ് മണിക്ക് എയർപോർട്ടിൽ മൃതദേഹം എത്തിക്കും. ശേഷം വീട്ടിലെത്തിക്കാനുള്ള ക്രമീകരണങ്ങളും ചെയ്തിട്ടുണ്ടെന്ന് ഒഐസിസി കെയർ ടീം അറിയിച്ചു. അപകടസമയത്ത് നിധിനുൾപ്പെടെ അഞ്ചുപേർ കാറില്‍ ഉണ്ടായിരുന്നു. ഇവര്‍ സഞ്ചരിച്ച കാറിൽ ടാങ്കർ ലോറി വന്നിടിച്ചാണ് അപകടമുണ്ടായതെന്ന് ബന്ധുക്കൾ പറഞ്ഞു. വാഹനമോടിച്ച കുവൈത്ത് സ്വദേശിയും അപകടത്തില്‍ മരിച്ചു. ആറ് മാസം മുൻപാണ് നിധിൻ കുവൈത്തിൽ ഡ്രൈവറായി ജോലിക്ക് പ്രവേശിച്ചത്. മൃതദേഹം കുവൈത്ത് ഞാബിർ അൽ മുബാറക്ക് ആശുപത്രിയിൽ സൂക്ഷിച്ചിരിക്കുകയാണ്. ഭാര്യ എംഎസ് ലക്ഷ്മി. മക്കൾ: നിവേദ് എൻ നായർ, നീരജ് എൻ നായർ.