Traffic Rules in Kuwait: കുവൈത്തിലെ പൊതു സുരക്ഷാ ഉദ്യോഗസ്ഥരുടെ ചുമതലകള്‍: വിവരിച്ച് അധികൃതര്‍
Traffic Rules in Kuwait കുവൈത്ത് സിറ്റി: രാജ്യത്തെ പൊതുസുരക്ഷാ ഉദ്യോഗസ്ഥരുടെ ചുമതലകള്‍ വിവരിച്ച് പൊതു സുരക്ഷാ മേഖലയിലെ പ്രവർത്തന വിഭാഗം. നിയമലംഘനങ്ങൾക്ക് ട്രാഫിക് ടിക്കറ്റ് നൽകാൻ പൊതു സുരക്ഷാ ഉദ്യോഗസ്ഥർക്ക് അധികാരമുണ്ടെന്ന് ഓപ്പറേഷൻസ് ഡിപ്പാർട്ട്മെൻ്റ് മേധാവി മുസായിദ് അല്‍ മുതൈരി പറഞ്ഞു. സുരക്ഷ നിലനിർത്തുക, റിപ്പോർട്ടുകൾ സ്വീകരിക്കുക, ഉചിതമായ സെക്ടറിലേക്കോ ഡിപ്പാർട്ട്‌മെൻ്റിലേക്കോ പോലീസ് സ്റ്റേഷനിലേക്കോ അവരെ നയിക്കുക, ജനറൽ ഡിപ്പാർട്ട്മെൻ്റ് ഓഫ് സെൻട്രൽ ഓപ്പറേഷൻസ് നൽകുന്ന സേവന ഉത്തരവുകൾ നടപ്പിലാക്കുന്നതിനുള്ള ഉത്തരവാദിത്തം എന്നിവയാണ് പൊതുസുരക്ഷാ ഉദ്യോഗസ്ഥരുടെ ഉത്തരവാദിത്തങ്ങളാണെന്ന് മുതൈരി പറഞ്ഞു. ഇന്നലെ രാവിലെ കുവൈത്ത് റേഡിയോയിൽ നടത്തിയ അഭിമുഖത്തിൽ സംസാരിച്ച ക്യാപ്റ്റൻ അൽ മുതൈരി, പൊതു സുരക്ഷാ മേഖലയിലെ ഏതൊരു സുരക്ഷാ ഉദ്യോഗസ്ഥനും ഏത് നിയമലംഘനത്തിനും ട്രാഫിക് ടിക്കറ്റ് നൽകാൻ അധികാരമുണ്ടെന്ന് ഊന്നിപ്പറഞ്ഞു. നിയമലംഘകരെ പിടികൂടി ജനറൽ ട്രാഫിക് ഡിപ്പാർട്ട്‌മെൻ്റിന് റഫർ ചെയ്യുന്ന ചില പ്രദേശങ്ങളിൽ അശ്രദ്ധമായ ഡ്രൈവിങും അപകടകരമായ പെരുമാറ്റവും സംബന്ധിച്ച റിപ്പോർട്ടുകളോട് പ്രതികരിക്കാൻ ഈ മേഖലയിലെ പട്രോളിങ് വിന്യസിച്ചിട്ടുണ്ടെന്ന് അദ്ദേഹം എടുത്തുപറഞ്ഞു. സ്വകാര്യ ഭവനങ്ങളിലെ, പ്രത്യേകിച്ച് ബാച്ചിലേഴ്സ് ഉൾപ്പെടുന്ന, വഴക്കുകളുമായോ അസ്വസ്ഥതകളുമായോ ബന്ധപ്പെട്ട റിപ്പോർട്ടുകൾ എങ്ങനെ കൈകാര്യം ചെയ്യുന്നെന്നും ചർച്ച ചെയ്തു. അത്തരം റിപ്പോർട്ടുകൾ ലഭിക്കുമ്പോൾ, സുരക്ഷാ പട്രോളിങിനെ സ്ഥലത്തേക്ക് അയക്കുകയും അവിടെ തർക്കത്തിൽ ഉൾപ്പെട്ട വ്യക്തികളെ പിടികൂടുകയും പോലീസ് സ്റ്റേഷനിലേക്ക് മാറ്റുകയും ചെയ്യുമെന്ന് അദ്ദേഹം വ്യക്തമാക്കി. സ്വകാര്യഭവനങ്ങളിൽ താമസിക്കുന്ന ബാച്ചിലർമാരെ സംബന്ധിച്ച് പരാതികൾ ഉയർന്നാൽ, ഉചിതമായ നടപടി സ്വീകരിക്കുന്നതിന് മുനിസിപ്പാലിറ്റിയുമായി ഏകോപിപ്പിക്കും.
Comments (0)