Traffic Awareness Campaign Kuwait: കുവൈത്തില്‍ ട്രാഫിക് ബോധവത്കരണ കാംപെയിൻ ആറ് ഭാഷകളിൽ
Traffic Awareness Campaign Kuwait കുവൈത്ത് സിറ്റി: രാജ്യത്ത് ട്രാഫിക് ബോധവത്കരണ കാംപെയിന്‍ ആറ് ഭാഷകളില്‍. കുവൈത്തിലെ ട്രാഫിക് നിയമത്തിൽ അടുത്തിടെ വരുത്തിയ ഭേദഗതികളെക്കുറിച്ച് പൗരന്മാരെയും താമസക്കാരെയും ബോധവത്കരിക്കുന്നതിനായാണ് ജനറൽ ഡിപ്പാർട്ട്‌മെൻ്റ് ഓഫ് പബ്ലിക് റിലേഷൻസ് ആൻഡ് സെക്യൂരിറ്റി മീഡിയ ഒരു ബഹുഭാഷാ ബോധവത്കരണ കാംപെയിൻ ആരംഭിച്ചത്. ട്രാഫിക് സുരക്ഷയും നിയമപാലനവും വർധിപ്പിക്കാൻ ലക്ഷ്യമിട്ടുള്ള കാംപെയിൻ, ഇംഗ്ലീഷ്, പേർഷ്യൻ, ഹിന്ദി, ബംഗാളി, പാകിസ്ഥാനി, ഫിലിപ്പിനോ എന്നീ ആറ് പ്രധാന ഭാഷകളിലായാണ് നടത്തുന്നത്. നിയമത്തിലെ ഭേദഗതി ചെയ്ത വ്യവസ്ഥകൾ വ്യക്തമായി വിശദീകരിച്ച് ട്രാഫിക് അപകടങ്ങൾ കുറയ്ക്കുന്നതിനും സുരക്ഷിതമായ ഡ്രൈവിങ് അന്തരീക്ഷം വളർത്തിയെടുക്കുന്നതിനും ഈ സംരംഭം ശ്രമിക്കുന്നു. സന്ദേശം വൈവിധ്യമാർന്ന പ്രേക്ഷകരിലേക്ക് എത്തുന്നെന്ന് ഉറപ്പാക്കാൻ, ആഭ്യന്തരമന്ത്രാലയം പരമ്പരാഗത മാധ്യമങ്ങൾ, സോഷ്യൽ മീഡിയ പ്ലാറ്റ്‌ഫോമുകൾ, ഈ ഭാഷകളിലെ ദൃശ്യ-ശ്രവ്യ സാമഗ്രികൾ എന്നിവ ഉപയോഗിക്കും.
Comments (0)